راولپنڈی۔28 جولائی (اے پی پی) وفاقی وزیر داخلہ محسن نقوی بلوچستان اچ شہید تھیوݨ آلے میجر زیاد سلیم دے گھر ڳئے، شہید میجر زیاد سلی?? دی اماں، بھیݨیں، بھراواں اتے ٹٻر نال ملاقات کیتی اتے فاتحہ خوانی کیتی۔ وزارت داخلہ توں سنوار کوں جاری بیان موجب وزیر داخلہ محسن نقوی شہید میجر زیاد سلی?? دی اماں، بھیݨیں، بھراواں اتے ٹٻر نال ملاقات کیتی اتے دلی ہمد??دی اتے افسوس کیتا اتے شہید دے درجات دی بلندی کیتے فاتحہ خوانی کیتی ۔وزیر داخلہ محسن نقوی شہید دے درجات دی بلندی اتے سوگوار ٹٻر کیتے صبر جمیل دی دعا کیتی۔ وزیر داخلہ محسن نقوی شہید میجر زیاد سلی?? دی اماں، بھیݨ اتے بھراواں دے بلند حوصلے دی تعریف کیتی اتے آکھیا جو تساݙے جہیاں بہادر اتے بلند حوصلہ ماواں قوم دا فخر ہن۔ محسن نقوی شہید میجر زیاد سلی?? دی اماں دی عظمت، حوصلے اتے ہمت کوں سلام پیش کریندیں ہوئیں آکھیا جو شہیداں دے ٹٻراں دی قربانیاں دا قرض قوم نئیں لہا سڳدی۔ محسن نقوی آکھیا جو شہید میجر زیاد سلی?? دی بے مثال قربانی کوں ہمیشہ یاد رکھیا ویسی، تساݙے ٹٻر دا ہر طرح خیال رکھسوں۔شہید میجر زیاد سلیم دا چھیکڑی آڈیو سنیھا بھرا وزیر داخلہ محسن نقوی کوں سݨایا۔ شہید دی اماں گالھ مہاڑ کریندیں ہوئیں آکھیا جو شہادت توں کجھ عرصہ پہلے ای پتر دی شادی تھئی ہئی، اوں کوں وطن نال عشق جنون دی حد تئیں ہا ۔ انہاں آکھیا جو زخمی تھیوݨ دے باوجود زیاد ساتھیاں کوں بچیندے رہ ڳئے۔ زخمیاں دی وی پرواہ نئیں کیتی۔ انہاں آکھیا جو شوہر دے بعد ہݨ پتر وی وطن تے قربان تھی ڳئے۔ شہید دی اماں آکھیا جو ہمیشہ وطن ا??ے پاک افواج دے نال کھڑی رہی ہاں اتے رہساں۔ میجر زیاد سلیم دے والد بریگیڈیئر سلیم وی 2005 اچ مادرِ وطن تے قربان تھی ڳئے ہن ۔ آئی جی اسلام آباد پولیس?? علی ناصر رضوی ۔ چیف کمشنر اسلام آباد محمد علی رن??ھا??ا وی ایں موقع تے موجود ہن۔
