اسلام آباد۔ 15 جولائی (اے پی پی) وفاقی وزیر تعلیم و پیشہ وارانہ تربیت ڈاکٹر خالد مقبول صدیقی نینگراں تے زور ݙتے جو اس??ں کوں اپݨی مہارت اتے ٹیکنالوجی وچ مزید بہتری گھن آوݨی ہوسی تاں جو عالمی سطح تے مقابلہ کر سڳوں۔ دین دا اصل مقصد علم اتے سچائی دی ڳول اے ۔ تہاݙا مقابلہ آپت وچ کائنی بلکہ د??یا دے ٻئے ملکاں نال اے۔ او نیوٹیک دے زیر اہتمام عالمی یوم ??ہارت نوجوانان دے حوالے نال منعقدہ ہنرمندی دے مقابلیں دی تقریب توں خطاب کریندے پئے ہن۔ نیشنل ووکیشنل اینڈ ٹیکنیکل ٹریننگ کمیشن (نیوٹیک) یوم عالمی مہارت نینگراں دے موقع تے سنٹر آف ایکسیلنس وچ نیشنل سکلز مقابلے دا انعقاد کیتا جیں وچ پاکستانی نینگراں غیر معمولی صلاحیتاں اتے فنی مہارت دا شاندار مظاہرہ کیتا۔ پورے ملک توں ایں مقابلیں وچ ہنرمند نینگراں شرکت کیتی اتے ہاسپیٹیلٹی، مکینیکل، ٹیکسٹائل، کنسٹرکشن، سروسز اتے انفارمیشن ٹیکنالوجی سودھے مختلف شعبہ جات وچ اپݨیاں مہارتاں دا مظاہرہ کیتا۔ایں موقع تے مہمان خصوصی وفاقی وزیر تعلیم و پیشہ وارانہ تربیت ڈاکٹر خالد مقبول صدیقی، چیئرمین پنجاب ٹیوٹا ساجد کھوکھر، پارلیمانی سیکرٹری فرح ناز اتے چیئرمین وزیراعظم یوتھ پروگرام رانا مشہود احمد خان شرکت کیتی۔ وفاقی وزیر تعلیم ڈاکٹر خالد مقبول صدیقی نیوٹیک دے ایگزیکٹو ڈا??ریکٹر دی قیادت کوں سارے سٹیک ہولڈرز کوں ہک چھت تھلے جمع کرݨ دی کوشش دی تعریف کیتی ۔ انہاں آکھیا جو پاکستان عزم اتے جذبے دا ناں اے، دین دا اصل مقصد علم اتے سچائی دی ڳول اے ۔ انہاں نینگراں تے زور ݙتا جو تہاݙا مقابلہ آپت وچ کائنی بلکہ د??یا دے ٻئے ملکاں نال اے۔ انہاں آکھیا جو اس??ں کوں اپݨی مہارت اتے ٹیکنالوجی وچ مزید بہتری گھن آوݨی ہوسی تاں جو عالمی سطح تے مقابلہ کر سڳوں۔ رانا مشہود احمد خان آکھیا جو میں وفاقی وزیر دا شکر گزار ہاں اتے نیوٹیک اتے ایں دے اداریں دی انتھک محنت دی تعریف کرینداں ، اڄ د??یا توں پاکستان بارے مثبت خبراں آندیاں پئن، ساݙا عالمی امیج بہتر تھیندا پئے اتے کئی ملک ساݙے نال تعاون چاہندن ۔ انہاں آکھیا جو اس??ں ٹیکنالوجی دے میدان وچ اپݨیاں صلاحیتاں پہلے ہی ثابت کر ݙتن، ہݨ ویلھا اے جو اس??ں معیشت وچ وی اپݨی برتری ثابت کروں۔ وزیراعظم دی طرفوں ہنر تے مبنی تعلیم دے ودھارے سانگے بھرپور توجہ ݙتی ویندی پئی اے۔چیئرمین پنجاب ٹیوٹا ساجد کھوکھر آکھیا جو ورلڈ یوتھ سکلز ݙے صرف ہک ݙینھ مناوݨ کافی کائنی، اس??ں کوں پورا سال ہنر دی ترقی سانگے وقف کرݨا چاہیدے۔ نیوٹیک دا نیشنل سکلز مقابلہ منعقد کرݨ ہک بہترین قدم اے جیں نال سکلز دے نظام وچ ہم آہنگی اتے تعاون کوں ودھارا ملے۔ پارلیمانی سیکرٹری فرح ناز وفاقی وزیر اتے نیوٹیک دے ایگزیکٹو ڈا??ریکٹر دی یوم عالمی مہارت نینگراں تے نیشنل سکلز مقابلے منعقد کرݨ دی تعریف کیتی ۔ انہاں آکھیا جو اے ݙینھ نینگراں سانڳے ہنر کوں طاقت بݨاوݨ دی علامت اے اتے قومی ترقی دا اہم ستون اے۔ نیوٹیک دے ایگزیکٹو ڈا??ریکٹر محمد عامر جان آکھیا جو میں وفاقی وزیر دا شکر گزار ہاں جنہاں دی سرپرستی وچ نیوٹیک اپݨی صلاحیت دا عملی مظاہرہ کیتے۔ پہلی واری اس??ں یوم ??ہارت نینگراں کوں ہک مکمل اتے بھرپور انداز وچ منائے۔ایں ݙینھ وچ لائیو سکل ڈیمونسٹریشنز اتے کامیاب نیوٹیک گریجویٹس دیاں پریزنٹیشنز شامل ہن جنہاں سکل مقابلیں دے تسلسل دی لوڑھ تے زور ݙتا تاں جو قومی سطح تے ٹیلنٹ کوں اجاگر اتے تعریف کیتی ونڄ سڳے۔ پورے ملک توں 5,000 درخواست ݙیوݨ آلیں وچوں صرف 133 امیدوار نیشنل سکلز مقابلے سانڳے منتخب تھئے۔ ہر کیٹیگری وچ ݙو انعام ݙتے ڳئن جنہاں وچ پہلا انعام ہک لکھ روپے اتے ݙوجھا انعام 50 ہزار روپے ہئی۔ اے انعام انہاں نینگراں دی مہارت اتے صلاحیت دا اعتراف ہن جو ایں مقابلے دا حصہ بݨیے۔
