اسلام آباد۔13دسمبر (اے پی پی) وفاقی وزیر برائے تجارت جام کمال خان آکھیا جو پاکستان وسط ایشیائی ملکاں کیتے تجارتی مرکز ٻݨسی، تاجکستان نال تعلقات ٻئے ودھیسوں۔ اے ڳالھیں انہاں جمعے کوں اسلام آباد چیمبر آف کامرس اینڈ انڈسٹریز اچ پاکستان ۔تاجکستان بزنس فورم توں خطاب کریندیں ہوئیں آکھی۔ انہاں آکھیا جو پاکستان اتے تاجکستان وچال تجارت دی حقیقی صلاحیت توں فیدہ نی چاتا ونڄ سڳدا۔ بزنس فورمز تجارت کوں ودھاوݨ اچ اہم کردار ادا کریسن۔ انہاں آکھیا جو تاجکستان کیتے پاکستان مصنوعات بہترین معیار دی ہن۔ پاکستان صنعت اعلیٰ معیار دے انجینئرنگ سامان، ٹیکسٹائل اتے سرجیکل آلات ٻݨیندی پئی اے۔ اساݙٰ آئی ٹی برآمدات عالمی سطح تے نشابر تھیندی پئن۔ انہاں آکھیا جو ݙوہیں ملکاں وچال براہ راست پروازاں تجارت کوں ٻیا ودھیسن۔ پاکستان تاجکستان کیتے مختلف شعبیاں اچ سرمایہ کاری دے موقع پیش کر سڳدے۔ انہاں آکھیا جو اڄ دا فورم ݙوہیں ملکاں وچال سانجھے داری کیتے اہم اے۔ ایجھے بزنس ٹو بزنس فورم کوں تسلسل دا چلݨا چاہیدے۔
