اسلام آباد۔13جنوری(اے پی پی) وفاقی وزیرداخلہ محسن نقوی دا بلوچستان دے علاقے کچھی اچ دہشت گرداں دے خلاف کامیاب انٹیلی جنس بیسڈ آپریشن تے سکیورٹی فورسز کوں خراج تحسین پیش کیتے ۔ وزارت داخلہ توں جاری بیان موجب وزیر داخلہ محسن نقوی آکھیے 27 دہشت گرداں کوں عبرتناک انجام تئیں پڄا تے سکیورٹی فورسز وݙی کامیابی ڳھدی اے ، قوم کوں بلاشبہ سکیورٹی فورسز دی صلاحیتاں اتے بہادری تے ماݨ اے ۔ محسن نقوی آکھیے بلوچستان اچ دہشت گرداں دے مذموم عزائم ناکام بݨاوݨ تے سکیورٹی فورسز کوں شاباش ݙیندوں ، پاکستان دی بہادر سکیورٹی فورسز 27 دہشت گرداں کوں جہنم واصل کیتے تے انہاں دے ناپاک ارادیں کوں مٹی اچ رلا ݙتے ۔ وزیر داخلہ آکھیے قوم سیکورٹی فورسز کوں سلام پیش کریندی اے۔ بلوچستان اچ قیام امن سانڳے قوم سکیورٹی فورسز دے رلے کھڑی اے۔
