لاہور۔28جنوری (اے پی پی):گورنر پنجاب چودھری محمد سرور صوبے اچ سرکاری یونیورسٹیاں متعلق ٻہوں ساریاں سمریاں دی منظوری ݙے ݙتی ،ڈاکٹر محسن اقبال کوں ترائے سال کیتے کوہسار یونیورسٹی مری دا رجسٹرار ، شجاعت منیف قریشی کوں یونیورسٹی آف ہوم اکنامکس دا رجسٹرار، تسنیم کامران کوں ٹریژرر پنجاب یونیورسٹی، حمود الرحمانی عثمانی کوں فاطمہ جناح ویمن یونیورسٹی راولپنڈی دا ٹریژرر اتے ایں جامعہ اچ سیدہ ذریت الزہرا کوں کنٹرولر امتحانات تعینات کرݨ دی منظوری ݙتی ڳئی اے ۔ فاطمہ جناح ویمن یونیورسٹی اچ سلمان سیف کوں رجسٹرار مقرر کرݨ دے احکامات کوں ڈی نوٹیفائی کرتے وائس چانسلر کوں رجسٹرار تعیناتی دا پراسیس شروع کرݨ دا حکم ݙتا ڳئے ۔ جی سی یو فیصل آباد اچ ڈاکٹر نعیم اقبال کوں رجسٹراردا جݙاں جو لاہور کالج فار ویمن یونیورسٹی اچ ریاض احمد کوں مزید چھی مہینے کیتے ٹریژرر دا اضافی چارج ݙیوݨ دی سمری منظور کر ڳھدی ڳئی ۔ سابق وفاقی سیکرٹری آفاق حسین اتے قائم مقام وی سی ایمرسن یونیورسٹی ڈاکٹر نوید کوں ترائے سال کیتے انسٹی ٹیوٹ آف ایجوکیشن پنجاب یونیورسٹی دے بورڈ آف گورنرز دا رکن تعینات کیتا ڳئے ۔ شہزاد اسلم کوں تیانجن یونیورسٹی لاہور اتے محمد ریاض کوں ایمرسن یونیورسٹی ملتان دے ٹریژرر دا اضافی چارج ݙیوݨ دی سمری منظور کر ڳھدی ڳئی ۔
