اسلام آباد۔18ستمبر(اے پی پی)پاکستان غیر قانونی بھارتی مقبوضہ جموں وکشمیر اچ مولانا عبد الرشید دائودی، مولانا مشتاق احمد ویری اتے جماعت اسلامی دے 5 ارکان سودھا معروف اسلامک سکالرز دی گرفتاریاں اتے غیر قانونی حراست دی ودھ مذمت کیتی اے۔ دفتر خارجہ آکیھیے جو بھارت دا اے مذموم اقدام اقوام متحدہ دی جنرل اسمبلی دے اجلاس توں پہلے کیتا ڳئے جیڑھا انسانی حقوق اتے بنیادی آزادیاں سانڳے بھارت دی بے حسی و سراسر انحراف دا ثبوت اے، اے گرفتاریاں مقبوضہ جموں وکشمیر اچ معصوم کشمیریاں دے انسانی حقوق دی خلاف ورزیاں کیتے بھارتی مقبوضہ فورسز دا گھٹیا اقدام اے جتھاں کشمیری عوام پہلے ہی بھارتی ظلم و استبداد وات ہین، کشمیری مذہبی رہنماواں دی بے بنیاد الزامات تے غیر قانونی حراست کشمیریاں دی مذہبی آزادیاں و ثقافتی سنڄاݨ توں محروم کرݨ دی بھارتی ہک ٻئی ناکام کوشش اے، انہاں آکھیے جو اینڄھے باھرتی اقدامات نال بھارتی مقبوضہ جموں وکشمیر اچ وݙے پیمانے تے احتجاج تھیندا پئے اتے ایں سانڳے کشمیریاں اچ سخت چنتا ودھدا پئے۔
