اسلام آباد۔3مئی (اے پی پی) وفاقی وزیر اطلاعات تے نشریات مریم اورنگزیب عمران خان توں سوال کیتے جو اگر جنرل باجوہ امریکا کوںعمران خان دے خلاف کیتا ہئی تاں ولا امریکی سازش دا واویلا کیوں کیتا اتے سائفر کیا ہئی؟ بدھ کوں پی ٹی آئی چیئرمین عمران خان دے بیان تے انہاں آکھیا جو اگر باجوہ امریکا کوں عمران خان دے خلاف کیتا ہئی تاں ولا امپورٹڈ حکومت اتے عالمی سازش کیا ہئی؟ اگر باجوہ اتے آئی ایس آئی ݙسیا ہئی جو تساݙے مخالفین چور ہن تاں ولا الزامات کیا ہن؟ جنرل باجوہ تساکوں اتے تساں 22 کروڑ عوام کوں ٹرک دی بتی پچھوں لاتا ہویا ہئی۔ وفاقی وزیر اطلاعات آکھیا جو عمران خان چار سال اپݨے دماغ نال نہ صرف ملک کوں لٹیا باقی سارا ݙوجھیاں دے آکھݨ تے کیتا۔وفاقی وزیر سوال کیتا جو باجوہ اپݨی توسیع کیتے امریکا توں لابنگ کریندا پیا ہئی اتے تساں بند کمرے اچ اونکوں تاحیات ایکسٹنشن دی آفر کریندے پے ہاوے؟ عوام اتے ملک نال جیڑھا کجھ تھیے تاریخ اچ کݙاہیں اینویں کہیں ملک نال ظلم نی تھیا۔ عمران خان اپݨے چار سالیں اچ صرف اپݨی ذال اوندی سہیلی فرح گوگی کوں نوازیے، چار سال صرف اٹا، کھنڈ، بجلی گیس مافیا کوں نوازیے۔ تساں سازش کر تے پنجاب اتے خیبرپختونخواہ دے نمائندیاں دی توہین کیتی۔
