اسلام آباد۔4نومبر (اے پی پی):پاکستان سول ایوی ایشن اتھارٹی دے ترجمان آکھیے اسلام آباد ایئرپورٹ تے طیارہ لینڈنگ دے دوران جنگلی جانور دے ٹکراوݨ دا واقعہ پیش آئے اینکوں طیارے دا حادثہ آکھݨ درست کائن ی ۔ پاکستان سول ایوی ایشن اتھارٹی دے ترجمان دی طرفوں جاری بیان موجب دبئی توں اسلام آباد آوݨ آلی فلائٹ رات 11 وڄ تے 51 منٹ تے لینڈ کیتے-لینڈنگ دے بعد پائلٹ رن وے 28L تے لینڈنگ رول دے دوران نوز وہیل تے جانور ٹکراوݨ دی اطلاع ݙتی ، رن وے دے معائنہ تے ٹیکسی وے C اتے F وچال مردہ جانوراں دی باقیات پاتیاں ڳئن ، متعلقہ ایئرلائن دے انجینئرنگ شعبہ ہوائی جہاز کوں کوئی ضیان نہ تھیوݨ دی اطلاع ݙتی ، ترجمان آکھیے اسلام آباد ایئرپورٹ تے جہاز کوں حادثہ آکھݨ قطعی درست کائنی، وائلڈ لائف کوں ایئرپورٹس توں پرے رکھݨ دے ہرممکن انتظامات کیتے ویندن ، متعلقہ حکام واقعہ دے محرکات دا جائزہ گھندے پئن۔
