اسلام آباد۔18دسمبر (اے پی پی):وزیر خارجہ بلاول بھٹو زرداری آکھیے افغانستان کوں دہشتگردی دا علاقائی مرکز بݨدے کوئی نی ݙیکھݨ چاہندا ، اساں افغانستان دی عبوری حکومت نال رل تے کم کرݨ چاہندوں ۔ کابل تے اسلام آباد دے درمیان گزریل کجھ مہینے اچ سرحدی علاقیں اچ تعلقات اچ کشیدگی آئی اے، ملک اچ تباہ کن سیلاب توں متاثر تھیوݨ آلیں دی بحالی کیتے اقوام متحدہ دی حمایت گھندے پیوں ۔ اے فنڈز معاشی بحالی دے ساݙے عمل دا آغاز ہوسن ۔ غیر ملکی اخبار کوں ݙتے ڳئے انٹرویو اچ انہاں آکھیے جو اڄوکے ہفتے دورہ نیویارک اچ جی سیون وزارتی کانفرنس دے موقع تے اقوام متحدہ دے سیکرٹری جنرل انتونیو گوتریش نال ملاقات اچ اقوام متحدہ دے سربراہ پاکستان دے سیلاب دے علاقیں اچ انسانی بنیاداں تے امداد اتے بحالی دے کماں کیتے آپݨی مکمل حمایت دا اعادہ کیتا۔ ساوݨ دے مینھ جیڑھا جو موسمیاتی تبدیلیاں دی وجہ توں متاثر تھئن ، انہاں پاروں آوݨ آلے سیلاب توں 20 لکھ گھر متاثر اتے 1700 لوک جاں بحق تھئن ۔ انہاں آکھیے اقوام متحدہ دے سیکرٹری جنرل ایں عزم دا اعادہ کیتے جو پاکستان دے متاثرہ علاقیں دی نویں سروں تعمیر انہاں دی پہلی ترجیح اے ۔وزیر خارجہ آکھیے جو عمران خان دی قیادت اچ گزریل حکومت ملک دی موجودہ اقتصادی صورتحال دی ذمے وار اے جیں دی وجہ توں پاکستان کوں ڈیفالٹ دا خطرہ ہئی ۔ سوال دا جواب ݙیندے ہوئیں انہاں آکھیے طالبان نال ڳالھ مہاڑ کیتے پرعزم ہیسے تاں جو ایں ڳالھ کوں یقینی بݨایا ونڄ سڳے جو دہشت گردی دے واقعات نہ تھیون، کوئی وی ملک افغانستان کوں دہشتگردی دا علاقائی گڑھ بݨدا ݙیکھݨ نی چاہندا ۔ اساں افغانستان دی عبوری حکومت نال رل تے کم کرݨ چاہندوں تاں جو ایں ڳالھ کوں یقینی بݨایا ونڄ سڳے جو انہاں گروپاں دا مقابلہ کرݨ دی خواہش تے صلاحیت دے قابل ہوسن ۔ انہاں آکھیے کابل تے اسلام آباد دے درمیان گزریل کجھ مہینے اچ تعلقات خاص طور تے سرحدی علاقیں اچ تکھے وڳڑین ۔ گزریل ہفتے سرحد پار توں تھیوݨ آلی گولہ باری اچ 8 پاکستانی شہری شہید تھئن جݙاں جو کئی افغان فوجی وی ایندے وچ ماریے ڳئن۔ اڄوکے مہینے کابل اچ پاکستانی سفارتخانے تے فائرنگ کیتی ڳئی ۔ بلاول بھٹو آکھیے انہاں دا افغانستان دا وختی دورہ کرݨ دا کوئی ارادہ کائنی ۔ تریمتاں دی حیثیت متعلق اقوام متحدہ دے کمیشن توں ایران دے اخراج دے حوالے نال بلاول بھٹو آکھیے میݙے خیال اچ اے کوئی چنڳی مثال کائن ۔ ایران کوں ادارے توں کڈھیے ونڄݨ دی قرارداد توں پہلے ہی ایران کوں بطور رکن ہٹا ݙتا ڳیا ، کل 29 ریاستاں قرارداد دے حق اچ ووٹ ݙتاجݙاں جو چین، نائیجریا ، عمان ، روس سودھے 8 ملکاں قرار داد دے خلاف ووٹ ݙتا جݙاں جو 16 رائے شماری اچ حصہ وی نی ڳھدا ۔
.jpg)
