اسلام آباد۔28فروری (اے پی پی) وزیراعظم عمران خان آکھیا جو حکومت انفارمیشن ٹیکنالوجی تے توجہ ݙیندی پئی اے۔ آئی ٹی دے شعبے اچ نینگراں کوں روزگار دے موقع ݙتے ونڄ سڳدن۔ اے ڳالھیں انہاں سنوار کوں سپیشل ٹیکنالوجی زون اتھارٹی دے بورڈ آف گورنرز دے چوتھے اجلاس دی صدارت کریندیں ہوئیں آکھی۔ وزیراعظم آکھیا جو وݙے شہراں اچ آئی ٹی نال جڑیے لوکاں دی سہولت کیتے خصوصی زون ٻݨیندے پییوں۔ ایں مقصد کیتے حکومت این او سی دی بجائے تعمیلی نظام متعارف کروائے۔ وزیراعظم متعلقہ حکام کوں ہدایت کیتی جو ٹیکنالوجی دوست ماحولیاتی نظام ٻݨاوݨ کیتے سارے ممکن اقدامات کیتے ونجن۔ اجلاس اچ وزیر خزانہ شوکت ترین، وفاقی وزیر اطلاعات و نشریات چوہدری فواد حسین، وفاقی وزیر توانائی حماد اظہر، وفاقی وزیر صنعت خسرو بختیار، وزیراعظم دی معاون خصوصی برائے تخفیف غربت تے سماجی تحفظ سینیٹر ڈاکٹر ثانیہ نشتر، وزیراعظم دے معاون خصوصی ڈاکٹر شہباز گل، چیئرمین سپیشل ٹیکنالوجی زونز اتھارٹی عامر ہاشمی، چیئرمین سی ڈی اے عامر علی احمد اتے بئے متعلقہ افسر شریک تھیے۔
