اسلام آباد۔12ستمبر (اے پی پی):پاکستان اچ موجود عراقی سفارتخانے اربعین امام حسینؓ کیتے پاکستان توں کربلا ونڄݨ آلے زائرین کیتے ویزے بحال کرݨ دا اعلان کرݙتا ،پاکستانی زائرین کیتے عراقی فضائی ریزرویشن دی سہولت دستیاب ہوسی۔عراقی سفارتخانے سنوار کوں چہلم امام حسین ؓکیتے عراق ونڄݨ آلے پاکستانی زائرین کیتے معطل ویزیں دی بحالی تے ٻیاں سفری سہولتاں متعلق اہم بیان جاری کیتے جیں موجب پاکستانی زائرین کوں ایران دے ذریعےعراقی سرحداں توں داخل تھیوݨ دی اجازت ہوسی۔سفارتخانے پاکستانی زائرین کوں ضروری سفری طریقہ کارمکمل کرݨ کیتے عراقی ایئرویز دے دفتر رجوع کرݨ دی اپیل کیتی اے ۔سفارتخانے موجب زائرین دے سفر کوں محفوظ بݨاوݨ تے سہولیات ݙیوݨ دے حوالے نال کوششاں اچ وزیر داخلہ رانا ثناءاللہ دی اپݨے عراقی ہم منصب کوں 10 ستمبردی ٹیلیفونک کال کلیدی کردارادا کیتے۔ سفارتخانے دی طرفوں معطل شدہ ویزہ بحالی دے عمل اچ غیر معمولی کوششاں تے وزیر داخلہ رانا ثناءاللہ اتے وزیرمملکت خارجہ امور حنا ربانی کھر دی تعریف کیتی ڳئی ۔
