اسلام آباد۔22اپریل(اے پی پی):اسپیکر قومی اسمبلی راجہ پرویز اشرف اتے ڈپٹی اسپیکر زاہد اکرم خان درانی عید دے پر مسرت موقع تے اُمت مسلمہ اتے پاکستانی قوم کوں مبارخ ݙیندے ہوئیں آکھیے جو عید الفطر خوشی اتے تشکر دا ݙینھ اے ۔ اڄ دے ایں پرمسرت موقع تے اساکوں اللہ تعالیٰ دا شکر ادا کرݨا چاہیدے جیں اساکوں ماہ صیام اچ روزہ رکھݨ، عبادت کرݨ دی توفیق اتے بے سہارا تے حاجت منداں دی مدد کرݨ دا موقع عطا فرمایا۔عید الفطر تے آپݨے پیغام اچ سپیکر قومی اسمبلی راجہ پرویز اشرف آکھیے عید دا ݙینھ اساں ساری کیتے خوشی دا ݙینھ اے تاں جو ایندی حقیقی خوشی اوں ویلھے ملدی اے جݙاں اساں معاشرے دے بے سہارا ، ضرورت مند اتے خصوصی لوکاں دی ضرورتاں دا خیال رکھوں انہاں کوں خوشیاں وچ رلاؤں ۔
