اسلام آباد۔21ستمبر(اے پی پی) نگراں وزیر توانائی محمد علی وزارت توانائی (پاور ڈویژن ) اچ ریجنل ڈائریکٹر مشرق وسطیٰ، پاکستان اتے افغانستان خواجہ آفتاب احمد دی سربراہی اچ انٹرنیشنل فنانس کارپوریشن دے وفد نال ملاقات کیتی ۔ ملاقات اچ بہتر ریکوری کیتے ڈسکوز دے موثر کم کرݨ تے ڳالھ مہاڑ کیتی ڳئی ۔ ترجمان وزارت توانائی ( پاور ڈویژن ) توں جاری بیان موجب ملاقات اچ لائن لاسز اچ بہتری اتے بہتر ترسیل دے آپشنز تے ڳالھ مہاڑ کیتی ڳئی تے پوری دنیا اچ مختلف رجحانات دا تجزیہ کیتا ڳئے ۔ نگراں وزیر توانائی تے انٹرنیشنل فنانس کارپوریشن دی ملاقات اچ بہتر ماڈل آلے ملکاں دے رجحانات تے ڳالھ مہاڑ کیتی ڳئی ۔بہتر ریکوری دے حوالے نال ہندوستان تے برازیل دے ماڈل تے وی تفصیلی ڳالھ مہاڑ کیتی ڳئی ۔ نگران وزیر توانائی محمد علی مستقبل اچ اصلاحات اتے ڈسکوز دے موثر کم کیتے مکمل تعاون دا یقین ݙیوائے ۔
