اسلام آباد۔19اگست(اے پی پی)وفاقی وزیر داخلہ محسن نقوی اسلام آباد اچ 100 بستریاں دے جدید ہسپتال دا سنگ بنیاد رکھ ݙتے ڄیڑھا نیشنل پولیس فاؤنڈیشن (این پی ایف) اتے ترکیہ دی ہک نجی کمپنی دے تعاون نال ٻݨایا ویسی۔ ہسپتال دا منݙھ ٻدھݨ دی تقریب نال خطاب کریندے انہاں آکھیا جو انٹرنیشنل ہسپتال دا اے منصوبہ نیشنل پولیس فاؤنڈیشن کیتے گیم چینجر ثابت تھیسی، نیشنل پولیس فاؤنڈیشن کوں صابر احمد محنت نال نویں راہ تے سٹ ݙتے، ایندی ساری آمدن شہداء اتے پولیس دی ویلفیئر تے لائی ویندی پئی اے، اے ہسپتال وی ایں خدمت دی کڑی اے، نیشنل پولیس فاؤنڈیشن اتے سی ڈی اے ہک ٻئے دے ڳانݙھے نال نویں منصوبیاں تے کم کریندے پن، اینڄھے منصوبے ٻئے صوبیاں اچ وی شروع کیتے ویسن۔ ہسپتال تے 5 ارب روپے لاگت آسی۔ وزیر داخلہ اعلان کیتے جو نیشنل پولیس اکیڈمی دی تعمیر نو کیتی وییسی تاں جو پولیس دے جواناں کوں ٻئی چنڳی تربیت کیتی ویسی۔
