بيجنگ-04 اپريل (اي پي پي)تائيوان ۾ 7.3 جي شدت جي زلزلي کان پوءِ گذريل رات کان وٺي صبح تائين ڪل 96 ڀيرا آفٽر شاڪس ريڪاڊ ڪيا ويا، تائيوان جي موسميات کاتي موجب رات جو 11 وڳي تي آيل آفٽر شاڪس (زلزلي کان پوءِ وارن لوڏن) جو مرڪز هوالين ڪائونٽي جي سامونڊي ڪناري وارو علائقو هو، زلزلي کان پوءِ وارن لوڏن جي شدت 4 درجا ريڪاڊ ڪئي وئي. خميس تي 2:30 وڳي آيل زلزلي کان پوءِ لوڏا شديد هئا جنهن تي عملدارن شهرين کي موبائل فون تي زلزلي جي وارننگ جاري ڪئي وئي، هوالين شهر ۾ زلزلي کان پوءِ وارن لوڏن سبب زلزلي متاثر عمارتن جون ڀتيون ڪرڻ جا اطلاع آهن.هوالين ۾ سرچ اينڊ ريڪسيو آپريشن مڪمل ڪيو ويو آهي،زلزلي سبب بي گهر ٿيل ماڻهن لاءِ ڪائونٽي ۾ 20 پناه گاهون قائم ڪيون ويون آهن،متاثر علائقن ۾ ماڻهن کي خيما ۽ ٻيون بنيادي شيون فراهم ڪيون ويون آهن، زلزلي سبب 09 ماڻهو اجل جو شڪار ۽ هڪ هزار کان وڌيڪ زخمي آهن.
