اسلام آباد – 19 آگسٽ (اي پي پي) وزيراعظم عمران خان پاڪ چين اقتصادي لنگهه منصوبي کي ٻنهي ملڪن جي جاگرافيائي حصيداري جو عملي نمونو قرار ڏيندي چيو آهي ته اقتصادي لنگهه تحت مختلف شعبن ۾ جاري منصوبن جي مقرر مدي ۾ پڄاڻي اولين ترجيح آهي، منصوبن تي بنا روڪ جي اڳڀرائي کي يقيني بڻائڻ جي لاءِ سي پيڪ اٿارٽي قائم ڪئي پئي وڃي. هن اها ڳالهه پاڪ چين اقتصادي لنگهه تحت جاري مختلف منصوبن تي اڳڀرائي جو جائزو وٺڻ لاءِ اعليٰ سطحي اجلاس جي صدارت ڪندي چئي.
