اسلام آباد۔4جون(اے پی پی)صدر مملکت ڈاکٹر عارف علوی قومی احتساب بیورو (نیب) اتے الیکشن ترمیمی بل بغیر منظوری دے ولا ٻھڄویندے ہدایت کیتی اے جو وفاقی حکومت انہاں ترمیمی بلاں تے ولا دید بھنواوے۔ انہاں ݙوہاں قوانین دے نفاذ سانڳے صدر مملکت دی منظوری ضروری اے ٻھل صدر دے انکار توں بعد حکومت آئین دے آرٹیکل 75 دے تحت اے ݙوہیں ٻل پارلیمنٹ دے مشترکہ اجلاس اچ پیش کریسی۔ پارلیمنٹ الیکشن ترمیمی بل2022 دے تحت ای وی ایم اتے اوورسیز ووٹنگ کوں مکایا ہا اتے نیب ترمیمی بل نال نیب دے اختیارت ڳھٹائے ہن۔ صدر مملکت آکھیے جو بل پارلیمنٹ اچ آوݨ توں پہلے صدر مملکت کوں قانون سازی دی تجویز نئیں ݙسائی ڳئی جیڑھی آئین دے آرٹیکل 46 دی خلاف ورزی اے۔ آئین موجب وزیراعظم کہیں وی قانون سازی بارے تجاویز مجلس شوریٰ (پارلیمنٹ) اچ پیش کرݨ توں پہلے صدر کوں ݙسݨ دے پابند ہین۔ صدر مملکت مختلف اعتراض لیندے آکھیے جیکر مجوزہ ترامیم نافذ تھیاں تاں عدالتاں اچ جاری میگا کرپشن کیسز بے نتیجہ تھی ویسن۔