اسلام آباد۔27دسمبر(اے پی پی) وفاقی وزیر ماحولیاتی تبدیلی سینیٹر شیری رحمن آکھیے شہید بے نظیربھٹودی زندگی عوام، آئین، پارلیمان تے ملک دے خاطر سیاسی جدوجہد انہاں دے ناں وانڳوں بینظیر اے۔آپݨے ٹویٹس اچ وفاقی وزیر آکھیے شہید محترمہ بینظیر بھٹو دے 15ویں یوم شہادت تے انہاں کوں سلام پیش کریندی ہاں ، شہید محترمہ بینظیر بھٹو دا قتل انسانیت دا قتل ہئی۔ انہاں آکھیے اڄ دے ݙینھ اساں توں ساݙی قائد اتے ایں ملک توں ایندا مستقبل کھسیا ڳیا ، شہید بی بی پاکستان دے عوام کیتے ھک امید ہن، قاتلاں عوام توں انہاں دی امید کھس ڳھدی ۔شہید بی بی سارے صوبیں دی زنجیر ہن، قاتلاں انہاں کوں قتل کرتے ملک کوں بھنݨ دی کوشش کیتی ۔ انہاں آکھیے آصف علی زرداری پاکستان کھپے دا نعرہ لاتے ایں سازش کوں ناکام بݨایا، شہید بی بی نظربندی، قید، جلاوطنی اتے ٻیاں سختیاں برداشت کیتیاں،اپݨے والد، بھراویں تے کارکنان دے جنازے چاتے۔ وفاقی وزیر آکھیے انہاں دی زندگی عوام، آئین، پارلیمان تے ملک دی خاطر سیاسی جدوجہد انہاں دے ناں وانڳوں بےنظیر اے، ساݙی قائد اتے مسلم دنیا دی پہلی تریمت وزیراعظم کوں چٹے ݙینھ بے دردی نال قتل کیتا ڳیا ۔ انہاں آکھیے انہاں دا خاندان، پیپلز پارٹی اتے کارکنان 15 سال بعد وی اپݨی قائد دے قتل کیس اچ انصاف دے منتظر ہن۔
.jpg)
.jpg)
