اسلام آباد۔29 دسمبر(اے پی پی)آرمی چیف جنرل سید عاصم منیر آکھیے جو زراعت اتے مویشی پالݨ ہک پیغمبرانہ پیشہ اے، قوم نال رل تے مافیا دی سرکوبی کریسوں۔ اے ڳآلھ انہاں نیشنل فارمرز کنونشن نال خطاب اچ آکھی۔ آرمی چیف جنرل سید عاصم منیر آکھیا جو 60 دے ݙھاکے اچ پاکستان ایشیا دا تیزی نال ترقی کرݨ الا ملک ہا، اساں قائداعظم دے 3 بہترین اصولاں ایمان، اتحاد، تنظیم بھلا چھوڑین تہوں تنزلی وات آئے ہیں، گرین پاکستان انیشیٹیو دا مقصد ایہو اے جو سب توں پہلے زراعت تے کام کرݨے، گرین پاکستان انیشیٹیو دی آمدن دا وݙا حصہ صوبیاں کوں ویسی ڄݙاں جو باقی حصہ کساناں اتے زرعی ریسرچ کیتے رکھیا ویسی۔ آرمی چیف آکھیا جو زراعت اتے مویشی بانی اچ ڈسپلن، تکلیف، نمو اتے صبر ہوندن جیندے ودھ انعام ملدن، گرین پاکستان انیشیٹیو پروگرام اچ فوج دا رول صرف عوام اتے کساناں دی خدمت اے۔ انہاں آکھیا جو سارے ضلعیاں اچ زرعی مالز لائے ویسن جتھاں کساناں کوں ہر قسم دی زرعی سہولیات ملسن، سوکھے زرعی قرض، کولڈ سٹوریج چین، موسمیاتی تبدیلی دے تاثرات توں محفوظ بیج ݙتے ویسن۔ جنرل عاصم منیر آکھیا جو جینیاتی طور تے ٻݨیے لائیو سٹاک کوں اڳونہا کیتا ویسی۔ آرمی چیف آکھیا جو قوم نال رل تے مافیا دی سرکوبی کریسوں، سوشل میڈیا تے مایوسی تے فساد کھنݙا تے کوڑیاں خبراں گھڑ تے اے تاثر ݙتا ویندے ڄیویں ریاست اپݨا وجود مکیندی ویندی اے، پاکستان بارے افواہیں اتے منفی ڳالھیں ݙسینداں پن، کلمے دے ناں تے ݙو ہی ریاستاں ٻݨین، ہک ریاست طیبہ اتے ٻئی ریاست پاکستان، اے صرف اتفاق نئیں، پاکستان اچ سارے وسائل موجود ہین جیکوں درست استعمال کرݨ دی لوڑھ اے۔
.jpg)
.jpg)
