اسلام آباد – 09 – جولائي (اي پي پي) صدر آصف علي زرداري ڪيپٽن اسامه بن ارشد جي ڏکڻ وزيرستان ۾ شهادت تي گهري ڏک ۽ افسوس جو اظهار ڪندي چيو آهي ته اسان پنهنجي جوانن کي سلام پيش ڪريون ٿا جيڪي ملڪ جي دفاع لاءِ هر طرح جي قرباني ڏيڻ جي لاءِ تيار رهن ٿا. ايوان صدر جي پريس ونگ پاران جاري بيان موجب صدر چيو ته قوم ڪيپٽن اسامه جي قرباني کي سدائين ياد رکندي. هن چيو ته دهشتگردن کي سختي سان منهن ڏنو ويندو. صدر شهيد ڪيپٽن اسامه جي مغفرت جي لاءِ دعا ڪئي ۽ وارثن جي لاءِ صبر جميل جي دعا ڪئي.
