اسلام آباد۔10جون (اے پی پی) وفاقی وزیر داخلہ رانا ثناءاللہ خان آکھیا جو اساں ہک مضبوط اتے قابل اعتماد پاسپورٹ سسٹم ٻݨاوݨ اچ کامیاب تھی ڳیوں، اے سسٹم بین الاقوامی معیارات تے پورا لہندے، اساں اپݨے شہریاں کوں محفوظ سفری دستاویزات ݙیوݨ دے نال نال ویزا فری سفیر دی سہولتاں ݙیوݨ کیتے ٻے ملکاں نال سانجھے داری اتے تعاون کوں مضبوط ٻݨاوݨ دی کوشش کریندے پن۔ ای پاسپورٹ، اندرلے ملک آن لائن پاسپورٹ دی تجدید دا نظام اتے پاسپورٹ پروسیسنگ کاؤنٹرز ، آن لائن تجدید اتے اسلام آباد کیتے ای پاسپورٹ دی سہولت دے اجراء دے موقع تے خطاب کریندے پے ہن۔ ڈی جی پاسپورٹ یاور حسین، چیئرمین نادرا وی ایں موقع تے موجود ہن۔ وزیر داخلہ رانا ثناءاللہ خان آکھیا جو میݙے کیتے یقیناً خوشی اتے فخردا موقع اے جو اڄ میں پاکستان دی تکنیکی ترقی اتے عوامی خدمات اچ اہم سنگ میل دا اعلان کرݨ آیاں۔ اڄ انہاں علاقیاں جتھ پاسپورٹ دے دفتر دی سہولت کائنی نادرا دفتر اچ 30 پاسپورٹ پروسیسنگ کاؤنٹرز ٻݨاوݨ دے نال نال اندرلے ملک پاسپورٹ دی آن لائن تجدید اتے اسلام آباد اچ ای پاسپورٹ دی سہولت شروع کیتی ویندی پی اے۔ اے ڈائریکٹوریٹ جنرل آف امیگریشن اینڈ پاسپورٹ اتے نیشنل ڈیٹا بیس اینڈ رجسٹریشن اتھارٹی وچال سانجھے تعاون نال مکین تھیے۔ ڈی جی پاسپورٹ یاور حسین اتے چیئرمین نادراطارق ملک اتے انہاں دی ٹیم باصلاحیت اراکین کوں مبارخ ݙینداں جنہاں دی محنت اتے لگن نال اے ممکن تھیے۔
.jpg)
