اسلام آباد۔19مارچ (اے پی پی) وفاقی وزیر سائنس تے ٹیکنالوجی ڈاکٹر خالد مقبول صدیقی آکھیا جو ٹیکنالوجی دی ترقی، چیلنجز نال نبڑݨ اتے وزارت دی فعالیت کیتے کم کرݨ دی لوڑھ اے۔ اے ڳالھیں انہاں منگل کوں وزارت سائنس تے ٹیکنالوجی اچ تھیوݨ آلے اجلاس اچ وزارت دے مختلف ونگز دے سربراہواں نال ڳالھ مہاڑ کریندیں ہوئیں آکھی۔ ڈاکٹر خالد مقبول صدیقی آکھیا جو وزارت دے کماں کوں بہتر کرݨ اتے اڄوکے مسئلیاں نال نبڑݨ کیتے تعاون ٻہوں ضروری اے۔ اجلاس اچ ”حلال تجارت“ کوں ودھاوݨ اتے درآمدات دی نگرانی اچ پاکستان حلال اتھارٹی دے کردار تے وی روشنی پاتی ڳئی۔ وفاقی وزیر سائنس تے ٹیکنالوجی کوں ݙسیا ڳئیا جو کراچی اچ کونسل فار ورکس اینڈ ہائوسنگ ریسرچ دی بہتر کارکردگی کیتے ایندی تنظیم نو دی لوڑھ اے۔
.jpg)
