کنڑک اٹا بنیادی لوڑھ اے،ایں بارے عوام کوں کہیں قسم دی گھٹکی دا سامنڑاں نی تھیونڑاں چاہیدا،ملکی لوڑھ دے مطابق کنڑک پوری کرنڑ سانگے ہرقدم چاتا ونجے،ذخیرہ اندوزی اتے ناجائز منافع خوری کوں روکنڑ تے خصوصی توجہ ڈتی ونجے،وزیراعظم عمران خان دی ہدایت
اسلام آباد ۔ 29 جنوری (اے پی پی)وزیراعظم عمران خان آکھیا جو کنڑک اٹا بنیادی لوڑھ اے،ایں بارے عوام کوں کہیں قسم دی گھٹکی دا سامنڑاں نی تھیونڑاں چاہیدا،ملکی لوڑھ دے مطابق کنڑک پوری کرنڑ سانگے ہرقدم چاتا ونجے،ذخیرہ اندوزی اتے ناجائز منافع خوری کوں روکنڑ تے خصوصی توجہ ڈتی ونجے۔او بدھ کوں اپنڑی صدارت اجلاس اچ ملک اچ کنڑک دی صورتحال،ملکی لوڑھ،اجوکے سٹاک اتے مستقبل دی لوڑھ کوں پورا کرنڑ بارے لائحہ عمل دا جائزہ گھدا گیا ۔اجلاس اچ وزیرِ برائے نیشنل فوڈ سکیورٹی مخدوم خسرو بختیار، وزیر منصوبہ بندی اسد عمر، وزیرِ توانائی عمر ایوب، مشیر خزانہ ڈاکٹر عبدا لحفیظ شیخ اتے سینئر افسر شریک تھیے۔سیکرٹری فوڈ سکیورٹی اجلاس کوں کنڑک بارے اجوکی صورتحال،گزریل سال اچ کنڑک دی پیداوار،ملکی کھپت،ماضی اچ کنڑک دی برآمد تے درآمد اتے اجوکی صورتحال،کنڑک اتے اٹے بارے اجوکے ڈینھیا ں اچ پیش آونڑ حالات اتے انہاں دی وجہ بارے بریفنگ ڈتی۔وزیراعظم کوں ڈسیا گیا جو ملکی لوڑھ کوں ڈیکھدیں ہوئیں اقتصادی رابطہ کمیٹی کنڑک دی درآمد دی موکل ڈے چکی اے،ایں درآمد تے کوئی ٹیکس کائنا ہوسی۔
