اسلام آباد۔15جنوری(اے پی پی) وزیراعظم محمد شہباز شریف نویں سال دی پہلی قومی پولیو مکائو مہم دا افتتاح کر ݙتے۔ وزیراعظم پنڄ سال توں غھٹ عمر دے ٻالاں کوں قطرے وی پلائن اتے آکھیا جو سارے فریقاں نال رل تے تیکھے پاکستان کوں پولیو توں پاک ملک ٻݨیسوں۔ ایں مہم اچ پورے ملک دے 5 سال تئیں دے ٻالاں کوں قطرے پلائے ویسن۔ پولیو مہم بارے تقریب نال خطاب اچ وزیر اعظم وزیراعظم آکھیا جو اڄوکے سیلاب پاروں پولیو مہم متاثر وی تھئی اے ٻھل پولیو ورکرز وݙے عزم اتے جذبے نال اپݨیاں ذمہ داریاں نبھائین۔ انہاں آکھیا جو پولیو دے کیسز سامݨے آوݨ تے چنتا اے، پولیو دے فرنٹ لائن ورکرز اپݨیاں جاناں تلی تے رکھ تے اے مقصد پورا کیتے اتے جاناں وی ݙتن، تاریخ انہاں کوں ہمیشہ یاد رکھسی، یقین اے جو سارے صوبے وفاق نال رل تے پوری محنت نال پولیو توں جان چھڑاوݨ اچ اڳونہے تھیسن، ایں سانڳے ساݙے نال عالمی ادارہ صحت، بل گیٹس سودھا ٻئے فریقین جئیں ایں مہم اچ پاکستان دا ہتھ ونݙائے اہم کردار ادا کریندے پن۔ انہاں عزم دوہرایا جو صوبائی حکومتاں، افواج پاکستان، وزارت صحت اتے ساڄھےد اراں نال رل تے پاکستان توں ایں وبا کوں مار مکیسوں۔ چھیکڑ تے وزیراعظم پولیو ورکراں کوں شیلݙاں وی ونݙین۔
.jpg)
.jpg)
