لاہور۔27مئی(اے پی پی):وزیر اعظم محمد شہباز شریف آکھیے آندے بجٹ اچ عوامی ریلیف کیتے اقدامات یقینی بݨیندے پیوں ،ملکی معیشت کوں اوکھے حالات توں استحکام دے پاسے گھن آیوں ،تیل دیاں قیمتاں اچ گھٹکی دے اثرات کوں عام آدمی تئیں پڄاوݨ کیتے اقدامات کریندے پیوں ۔ وزیر اعظم آفس دے میڈیا ونگ توں جاری بیان موجب وزیر اعظم نال وزیر مملکت خزانہ عائشہ غوث پاشا ملاقات کیتی۔وزیرِ مملکت وزیرِ اعظم کوں آندے بجٹ تے پیش رفت، عوامی ریلیف اتے ملکی مجموعی اقتصادی صورتحال دا ݙسایا ۔وزیرا عظم آکھیے آندے بجٹ اچ عوامی ریلیف کیتے اقدامات یقینی بݨیندے پیوں ،ملکی معیشت کوں اوکھے حالات توں استحکام دے پاسے گھن آیوں، مشکلات دے باوجود معاشی ٹیم معیشت دے استحکام کیتے محنت جاری رکھی جیڑھی جو لائقِ تحسین اے،ملکی تاریخ دے ساریں توں وݙے سیلاب اچ متاثرین کوں مالی مدد و بحالی دی مد اچ وݙا ریلیف پیکیج ݙتا۔وزیرِ اعظم آکھیے تیل دیاں قیمتاں اچ گھٹکی دے اثرات کوں عام آدمی تئیں پڄاوݨ کیتے اقدامات کریندے پیوں ۔
