اسلام آباد۔25جولائی(اے پی پی) وفاقی وزیر منصوبہ بندی ،ترقی ،اصلاحات وخصوصی اقدامات پروفیسر احسن اقبال مستحکم، شفاف اتے مضبوط گورننس دی لوڑھ تے زور ݙیندے ہوئیں آکھیے مسلم لیگ (ن) دی حکومت 2013 اچ وژن 2025 پیش کیتا جیں پاکستان دی مستقبل دی ترقی کیتے ھک روڈ میپ دے طور تے کم کیتے ، مسلم لیگ ن دےگزریل دور اچ پاکستان اچ ریکارڈ ٻاہرلی سرمایہ کاری تھئی،چنڳی تے شفاف گورننس ترقی دی کنجی اے،اطلاعات دے انقلاب شہریاں کوں آگہی اتے معلومات نال طاقتور کرݙتے ۔ اے ڳالھ انہاں پاکستان گورننس 2023 توں خطاب کریندے ہوئیں آکھی اے ، مسلم لیگ ن دی گزریل حکومت دہشت گردی ،لوڈشیڈنگ تےمہانگ جیہے چیلنجزتے قابو پاتے،پاکستان دی ترقی کیتے اختلافات بھلا تے ساریں کوں رل تے محنت کرݨی ہوسی ، انہاں آکھیے چنڳی تے شفاف گورننس ترقی دی کنجی اے،اطلاعات دے انقلاب شہریاں کوں آگاہی اتے معلومات نال طاقتور کرݙتے ،گورننس دے ڈھانچیں کوں شہریاں دی شراکت تے مبنی نظام وضع کرݨے ہن ،گورننس دے عمل اچ معاشرے دے ہر طبقے کوں رلاوݨا ہوسی۔ وفاقی وزیر آکھیے پاکستان دی خوشحالی اتے پائیدار ترقی دی کنجی برآمدات نال جڑی اے آندے ست توں اٹھ سالاں اچ ملکی برآمدات کوں 30 ارب ڈالر توں 100 ارب ڈالر تئیں گھن ونڄݨ پاکستان دی خوشحالی تے ترقی دی کنجی اے ،پاکستان کیتے آئی سیکٹر اچ ترقی دے لامحدود موقع موجود ہن ،حکومت گھٹ مدت اچ عوامی مفاد اتے ترقی کیتے اہم اقدامات چاتن۔
