اسلام آباد۔16جون(اے پی پی) قومی اسمبلی اچ سپیکر قومی اسمبلی راجہ پرویز اشرف دے نال پیش آنے آلا حادثے تے خیر و سلامتی دی دعا کرائی ڳئی۔ قومی اسمبلی دے اجلاس اچ صابر حسین قائمخانی آکھیے سپیکر دے قافلے نال پیش آوݨ آلے حادثے دی وجہ توں اساں سارے تشویش دا شکار تھی ڳئے ہاسے ، اللہ تساں سودھے ساریں کوں محفوظ رکھیا، اساں سارے اللہ دے شکرگزار ہیسے، ایوان اچ خیر اتےعافیت دی دعا منڳݨی چاہیدی اے۔ سپیکر آکھیے ٻہوں خوفناک حادثہ ہئی، اللہ میکوں تے سٹاف کوں محفوظ رکھیا، میں ارکان ،اندرلے تے ٻاہرلے ملک توں ٹیلی فون کالز کرݨ آلے نیک خواہشات رکھݨ آلیں دا شکر گزار ہاں۔ سپیکر دے آکھݨ تے مولانا عبدالاکبر چترالی خیرو سلامتی دی دعا کرائی۔
