اسلام آباد۔26دسمبر (اے پی پی):وزیر اعظم دے معاون خصوصی سیاسی ابلاغ ڈاکٹرشہباز گل آکھیے جو پاکستان اچ گیس دا بحران 2009 توں شروع تھیا تے ہر سال شدت اچ ودھارا تھیندا ڳئے۔ایں صورت حال اچ ایندی وݙی مجرمانہ حرکت کیا ہوسی جو سابقہ حکومت چھیکڑی سال الیکشن جتݨ دے چکر اچ اپݨے ارکان دے حلقیں اچ سینکڑاں گیس فراہمی دیاں سکیماں دی منظوری ݙتی مگر ایندے باجود گیس دا بحران اے۔اتوار کوں آپݨے ٹویٹ اچ شہباز گل آکھیے جو مولانا فضل الرحمن دے بقول ن لیگ دی لاتی نگران حکومت 2018 اچ دھاندلی کروائی اتے پی ٹی آئی حکومت فئیر الیکشن کروائے۔شہباز گل آکھیے جو خیبرپختونخواہ انتخابات اچ مولانا فضل الرحمن کوں کجھ سیٹاں تے کامیابی ملی اے تاں اینویں تھیوݨا ہئی اتے اڳلے مرحلے اچ جݙاں انہاں کوں شکست تھئی تاں اوہو پکا راگ ول شروع تھیسی ۔
