اسلام آباد۔29اگست (اے پی پی):پاکستان دے سیلاب زدگان دی امدادی اتے بحالی کیتے ترکی تے متحدہ عرب امارات توں 6 طیارے امدادی سامان گھن تے پاکستان پڄ ڳئن ۔ آئی ایس پی آر موجب پاکستان دے سیلاب زدگان دی مدد کیتے دوست ملکاں پاکستان دی امداد اتے بحالی دیاں کوششاں اچ تعاون دا وعدہ کیتے ، ایں تناظر اچ ترکی توں 4 فوجی طیارے امدادی سامان گھن تے کراچی پڄ ڳئن جݙاں جو متحدہ عرب امارات دے 2 فوجی طیارے نورخان ایئر بیس راولپنڈی پڄ ڳئن۔ متحدہ عرب امارات توں ھک فوجی طیارہ اڄ شام نور خان پڄ ویسی جݙاں جو چین توں 2 طیارے آندے چووی گھنٹے اچ پاکستان پڄ ویسن ۔ ایویں بحرین سیلاب زدگان دی مدد کیتے امدادی سامان دا ھک طیارہ پاکستان بھجواوݨ دا وعدہ کیتے ۔ انہاں طیاریں دے ذریعے آوݨ آلے امدادی سامان اچ خیمے ، دوائیں تے کھاوݨ پیوݨ دیاں چیزاں شامل ہن۔
