لاہور۔12اکتوبر (اے پی پی) مسلم لیگ ن دے مرکزی رہنما ،وفاقی وزیر ریلوے خواجہ سعد رفیق آکھیا جو صدر مملکت ڈاکٹر عارف علوی دے غیر ملکی سازش دے بیانیے کوں رد کرݨ دے بعد عمران خان دا بیانیہ دم تروڑ ڳئے۔ بدھ کوں لاہور دی احتساب عدالت اچ پیشی تے میڈٰیا نال ڳالھ مہاڑ کریندیں ہوئیں انہاں آکھیا جو عمران خان اقتدار کیتے گھٹیا سازش کیتی، اے پہلے لوکاں کوں گمراہ کریندے ولا ریاست دے خلاف اکسیندے، ہݨ تاں صدرمملکت وی آکھ ݙتے جو سازش کائنا ہئی جئیں دے بعد غیر ملکی سازش دا بیانیہ دم تروڑ ڳئے۔
