لاہور۔10فروری(اے پی پی):وزیراعظم محمد شہبازشریف اڄ جمعہ کوں لاہور ہوائی اݙے تے ترکیہ کیتے امدادی سامان روانہ کریسن ۔ وزیراعظم آفس دے میڈیا و نگ توں جاری بیان موجب 100 ٹن امدادی سامان ترکیہ بھجوایا ویندا پئے۔ ترکیہ دا فوجی طیارہ امدادی سامان گھن ونڄݨ کیتے لاہور پڄ ڳئے ۔ ترکیہ دا فوجی طیارہ100 ٹن امدادی سامان گھن ونڄݨ دی گنجائش دا حامل اے ۔ مجموعی طور تے اڄ 142 ٹن امدادی سامان ترکیہ بھجوایا ویندا پئے ۔ مزید 12 ٹن امدادی سامان اڄ سویلے پی آئی اے دے 777 جہاز دے ذریعے لاہور توں ترکیہ پہلے ہی روانہ تھی چکیے ۔ 30 ٹن امدادی سامان پی آئی اے دی خصوصی پرواز توں اڄ اسلام آباد توں ترکیہ روانہ تھیسی۔ 40 ٹن سامان گھن ونڄݨ کیتے ݙوجھا طیارہ ترکیہ توں کل پڄسی جیڑھا جو مزید امدادی سامان گھن تے ترکیہ روانہ تھیسی ۔
