اسلام آباد۔21مارچ(اے پی پی) پارلیمنٹ دے مشترکہ اجلاس دا شیڈول تبدیل کرݙتا ڳئے جیں موجب پارلیمنٹ دا مشترکہ اجلاس مورخہ 10 اپریل دے بجائے کل (ٻدھ، 22مارچ )کوں تھیسی ۔ قومی اسمبلی سیکرٹریٹ موجب پارلیمنٹ دا مشترکہ اجلاس مورخہ 10اپریل 2023 کوں ݙینھ 11 وڄے دے بجائے 22 مارچ کوں تریجھے پہر 4 وڄے پارلیمنٹ ہاؤس اچ تھیسی ۔ سپیکر قومی اسمبلی مشترکہ اجلاس دے شیڈول اچ تبدیلی پارلیمنٹ دے جوائنٹ سیٹنگز رولز 1973 دے قاعدہ 4 دے تحت تفویض شدہ اختیارات کوں بروئے کار گھن آندے ہوئیں کیتی اے ۔پارلیمنٹ دا مشترکہ اجلاس دے شیڈول اچ تبدیلی دا نوٹیفکیشن جاری کرݙتا ڳئے۔
