اسلام آباد۔30مارچ (اے پی پی):قومی اسمبلی ارکان پارلیمنٹ دی گرفتاری توں پہلے ہائوس دے کسٹوڈین کوں ݙساوݨ دے حوالے نال سینیٹ توں منظور تھیوݨ آلا ارکان پارلیمنٹ استثنیات و استحقاقات ٻل 2023ء منظور کر ڳھدے۔ خمیس کوں رکن قومی اسمبلی سید غلام مصطفیٰ شاہ ارکان پارلیمنٹ استثنیات و استحقاقات کیتے احکام وضع کرݨ دا ٻل استثنیات و استحقاقات ٻل 2023ء سینٹ دی طرفوں منظور کیتی ڳئی صورت اچ زیرغور گھن آوݨ دی تحریک پیش کیتی ۔ وزیر مملکت قانون شہادت اعوان ٻل دی مخالفت نہ کریندے ہوئیں ݙسائے جو اے ھک اہم ٻل اے جیں دے تحت کہیں وی رکن دی گرفتاری توں پہلے ایف آئی آر دی کاپی کسٹوڈین کوں ݙیوݨ لازمی ہوسی ۔ تحریک دی منظوری دے بعد ڈپٹی سپیکر ٻل دی شق وار منظوری ڳھدی۔ بعد اچ غلام مصطفیٰ شاہ ٻل ایوان اچ منظوری کیتے پیش کیتا جیں کوں ایوان متفقہ طورتے منظور کرڳھدا ۔
