اسلام آباد۔5جون (اے پی پی) ایشیائی ترقیاتی بینک پاکستان اچ پبلک پرائیویٹ پارٹنر شپ دے تحت بنیادی ڈھانچے اتے خدمات دے شعبے اچ سرمایہ کاری سانڳے250 ملین ڈالر قرضے دی منظوری ݙے ݙتی اے۔ بینک دے ڈائریکٹر جنرل وسطی و مغربی ایشیا یوگینی زوکوف ݙسائے جو پبلک سیکٹر مینجمنٹ دے حوالے نال اے بینک دا جامع اتے مربوط پیکج اے جیں دا بنیادی مقصد ملک دے مالیاتی استحکام اتے نمو دے اہداف کوں یقینی بݨاوݨ اے ۔ انہاں آکھیے ایں قرضے نال حکومت پاکستان کوں سازگار ،تزویراتی طور تے موزوں اتے مالی طور تے سستی پبلک پرائیویٹ پارٹنر شپ سانڳے ماحول دی فراہمی اچ مدد ملسی ، ایشیائی ترقیاتی بینک دے پروگرام نال پبلک پرائیویٹ پارٹنر شپ بنیادی ڈھانچہ ،سرمایہ کاری دے منصوبیں دے قانونی اتے ادارہ جاتی فریم ورک کوں تکڑا بݨاوݨ اچ مدد ملسی ۔
