اسلام آباد۔23ستمبر (اے پی پی):سعودی عرب دی طرفوں پاکستان دے سیلاب متاثرین کیتے امدادی سامان پڄاوݨ دا سلسلہ جاری اے ۔ سعودی سفارت خانے دی طرفوں جاری بیان موجب سیلاب متاثرین کیتے کنگ سلمان ریلیف سینٹردی طرفوں مزید 60 ٹن امدادی سامان کراچی پڄایا ڳئے ۔ پاکستان اچ سعودی عرب دے امدادی ادارے دے ڈائریکٹر اے امدادی سامان نیشنل ڈیزاسٹر مینجمنٹ اتھارٹی (این ڈی ایم اے)دے حکام دے حوالے کیتا۔ سعودی عرب توں امدادی سامان نال بھریے مزید ݙو خصوصی طیارے پاکستان پڄن ۔ بیان موجب انہاں طیاریں اچ غذائی تے غیر غذائی چیزاں توں علاوہ پنڈوں ، کمبل تے خیمے شامل ہن جیڑھے جو حکومت دے تعاون نال پاکستان دے ٻہوں سارے علاقیں دیاں ضرورتاں دے مطابق متاثرہ لوکاں کوں ݙتا ویسی جیں توں ہزاراں لوکاں دا فیدہ تھیسی طیاریں دی آمد دا سلسلہ مزید 5 ݙینھ تئیں جاری رہسی ۔
