اسلام آباد۔14ستمبر (اے پی پی) نگراں وزیر داخلہ سرفراز احمد بگٹی دی مستونگ اچ جے یو آئی (ف) دے رہنما حافظ حمداللہ تے حملے دی شدید مذمت کریندیں ہوئیں آکھیا جو ملک اچ ترقی اتے امن و امان دے دشمناں نال کہیں صورت نرمی کائنا کیتی ویسی۔ خمیس کوں آپݨے مذمتی بیان اچ انہاں آکھیا جو دہشت گرد ملک اچ انتشار چاہندن۔ پوری قوم دہشت گردی دے خلاف جنگ اچ متحد اے۔ انہاں حافظ حمداللہ اتے زخمیاں دی جلدی اتے پوری صحت یابی دی دعا کیتی۔
