اسلام آباد – 12 آگسٽ (اي پي پي) وزيراعظم محمد نواز شريف ملڪي تاريخ ۾ پهريون ڀيرو پاڪستان اسٽاڪ ايڪسچينج ۾ 40 هزار پوائنٽس جي بلند ترين سطح عبور ڪرڻ تي ملڪ جي اقتصادي منتظمين، ڪاروباري شخصيتن ۽ ادارن ۽ بروڪرن کي مبارڪباد ڏني آهي. وزيراعظم هائوس مان جاري بيان موجب اسان جي اسٽاڪ مارڪيٽ جي فعال ڪارڪردگي يقينن اسان جي دانشمنداڻي، اقتصادي ۽ مالياتي پاليسين جي مظهر آهي جنهن لاءِ حڪومت جي معاشي ٽيم ڀرپور تحسين جي مستحق آهي.
