مظفرگڑھ،کوٹ ادو اچ ڈکیتی وچال ترائے ٻالاں کوں قتل کرݨ آلے ݙو ڈاکو ساتھیاں دی فائرنگ نال ہلاک

2025-03-07 17:36:15

مظفرگڑھ۔ 10 نومبر (اے پی پی) مظفرگڑھ دے نواحی علاقے کوٹ ادو اچ ڈکیتی وچال ترائے ٻالاں کوں قتل کرݨ آلے ݙو ڈاکو ساتھیاں دی فائرنگ نال ہلاک تھی ڳے۔ پولیس ترجمان دے مطابق 24 اکتوبر کوں کوٹ ادو اچ سبزی منڈی دے نیڑے ترائے مسلح ڈاکواں ہک شہری توں گن پوائنٹ تے موٹرسائیکل کھس تے ٻھجدیں ہوئیں سامھے آوݨ آلے ترائے نشوم ٻالاں کوں فائرنگ کر تے قتل کر ݙتا ہئی۔ پولیس جدید ٹیکنالوجی دے استعمال اتے فرانزک شواہد دی روشنی اچ 2 ڈاکواں مجید کھنڈ اتے صادق درکھان کوں وسطی پنجاب توں گرفتار کیتا ہئی۔ پولیس ٹیم گزریل رات ڈاکواں دی نشاندہی تے انہاں دےتریجھے ساتھی کاشف رند دی گرفتاری کیتے انہاں کوں ڳھن تے احسان پور ویندی پی ہئی جو احسان پور دے نیڑے سندیلہ چوک تے پںج نامعلوم لوکاں ڈاکواں کوں چھڑاوݨ کیتے پولیس وین تے حملہ کر ݙتا۔ فائرنگ دے تبادلے اچ ترائے ٻالاں دے قاتل ݙوہیں ڈاکو آپݨے ساتھیاں دی فائرنگ نال ہلاک تھی ڳے۔

مضمون کا ماخذ : لاٹری ایپ ڈاؤن لوڈ کریں

متعلقہ مضامین