اسلام آباد۔22مئی (اے پی پی) وفاقی وزیر برائے پٹرولیم مصدق ملک آکھیا جو توانائی دے مناسب نرخ تے بغیر کہیں رکاوٹ دی فراہمی حکومت دی ترجیح اے، موسمیاتی تبدیلی کوں روکݨ کیتے وی کم کرݨے۔ اے ڳالھیں انہاں بدھ کوں پاکستان پٹرولیم سمپوزیم توں خطاب کریندیں ہوئیں آکھی۔ انہاں آکھیا جو پاکستان توانائی دی درآمد تے سالانہ 18 ارب ڈالر توں ودھ خرچ کریندا پئے، ملک اچ تیل تے گیس ڳولݨ کیتے کم تیز کریندے پئیوں۔ غیرملکی کمپنیاں کوں ملک اچ سرمایہ کاری کیتے خوش آمدید آکھدوں۔ تیل تے گیس دی ڳول اچ سرمایہ کاری کوں سوکھا اتے ایں بارے معلومات اتے اجازت نامیاں کوں ڈیجیٹلائز کر ݙتا ڳئے۔ انہاں آکھیا جو افغانستان دی صورتحال پاروں تاپی گیس پائپ لائن منصوبے اچ دیر تھئی اے۔
