اسلام آباد – 30 – اپريل (اي پي پي) سينيٽ چيئرمين محمد صادق سنجراڻي چيو آهي ته قومي ترقي جي عظيم جدوجهد ۾ اسان جي همٿ وارن پورهيتن جو ڪردار وڏي اهميت رکندڙ آهي، پاڪستان انهن سمورن سنهري اصولن تي عمل پيرا آهي جنهن ۾ مزدرون جي حقن جي فراهمي ۽ تحفظ رياست جو آئين فراهم ڪري ٿو.پورهيتن جي عالمي ڏينهن جي موقعي تي پنهنجي پيغام ۾ هن چيو ته پاڪستان سميت سڄي دنيا ۾ پهرين مئي پورهيتن جي حقن جي تحفظ جي علامت جي طور تي ملهايو ويندو آهي ۽ پاڪستان ۾ به پورهيتن جي حقن جي فراهمي يقيني بڻائي ويندي آهي. سينيٽ چيئرمين چيو ته هنرمند ۽ غير هنرمند مزدورن جي گهٽ کان گهٽ معاوضي ۾ اضافو ڪري پورهيتن جي مسئلن کي وڌيڪ گهٽ ڪري سگهجي ٿو، حڪومت ملڪ جي ترقي ۽ خوشحالي لاءِ نه رڳو اندروني ملڪ ڪم ڪندڙ پورهيتن پر پرڏيهه ۾ پرڏيهي پاڪستانين جي مسئلن جي حل ۽ ڀلائي لاءِ ڪيترائي قدم کڻي رهي آهي، سينيٽ چيئرمين چيو ته پهرين مئي مزدورن سان يڪجهتي جو ڏينهن آهي، اهو ڏينهن سان انهن موقعن کي تسليم ڪرڻ ۽ خراج تحسين پيش ڪرڻ جو هڪ موقعو فراهم ڪري ٿو جيڪي پورهيت پنهنجي پنهنجي ملڪن جي ترقي، خوشحالي ۽ ڀلائي ۽ ترقي لاءِ ڪيا آهن، ڪورونا وائرس جي وبا ۽ سڄي دنيا جي موجوده حالتن جي ڏس ۾ اهو ڏينهن وڌيڪ اهميت اختيار ڪري ويو آهي، پاڪستان جي متحرڪ افرادي قوت اسان جي ترقي جي اصل رفتار آهي، حڪومت جو تيز، جامع ۽ پائيدار ترقي جو هدف صرف اسان جي محنتي، سرشا ۽ پرعزم افرادي قوت جي ڪري ئي حاصل ٿي سگهي ٿو، سينيٽ چيئرمين چيو ته ڪورونا وبا جي ڪري غير معمولي حالتون پيدا ٿي ويون هيون ۽ لکين پورهيت بي روزگار ٿي ويا هئا، مزدورن ۽ پورهيت طبقي جي حقن ۽ ڀلائي ۽ ترقي تي پهرين کان وڌيڪ ڌيان ڏيڻ جي سخت ضرورت آهي، سينيٽ جي ڊپتي چيئرمين مرزا محمد آفريدي پورهيتن جي عالمي ڏينهن جي موقعي تي پنهنجي پيغام ۾ چيو ته پهرين مئي هڪ اهم ڏينهن آهي ۽ مزدورن کي پنهنجي ڊگهي ۽ مشڪل جدوجهد جي اعزاز لاءِ هرسال پهرين مئي کي ”يوم مزدور“ جي طور تي ملهايو ويندو آهي، ڊپٽي چيئرمين چيو ته حڪومت مزدورن جي حقن جي تحفظ کي يقيني بڻائڻ لاءِ پرعزم آهي.
.jpg)
