لاہور۔6ستمبر(اے پی پی)امریکا دے نجی شعبے پاکستان اچ سرمایہ کرݨ اچ دلچسپی ݙکھائی اے۔ امریکی سفیر ڈونلڈ بلوم آکھیے جو امریکا دا نجی شعبہ پاکستان اچ سرمایہ کاری کرݨ چاہندے، نجی شعبے دی سرمایہ کاری نال ݙوہاں ملکاں وچال پہلے توں تکڑی ساڄھے داری ٻئی ڳھاٹی تھیسی۔ امریکی سفارتخانے ولوں ݙسایا ڳئے جو امریکی سفیر ڈونلڈ بلوم 4 توں 6 ستمبر تئیں لاہور دا دورہ کیتے۔ ایں دورے دا مقصد پاکستان اتے امریکہ وچال تجارت ودھاوݨ ہاتاں جو پاکستان دی عوام اتے حکومت پنجاب نال امریکی تعاون ودھایا ونڄے۔ اعلامیے اچ آکھیا ڳئے جو امریکی سفیر لاہور اچ اپݨیاں ملاقاتاں اچ انسانی حقوق دے احترام اتے تحفظ تے زور ݙتے۔ ڈونلڈ بلوم آکھیے جو ہر ہک کوں بنیادی آزادی ملݨی چاہیدی اے جو اوندا بنیادی حق اے۔
