اسلام آباد۔11مئی(اے پی پی):پاکستان آکھیے وزیر خارجہ بلاول بھٹو زرداری شنگھائی تعاون تنظیم (ایس سی او)دے وزرائے خارجہ دی کونسل دے اجلاس اچ شنگھائی تعاون تنظیم دے خطے اچ امن اتے خوشحالی کیتے پاکستان دے وژن کوں اجاگر کیتے ، وزیر خارجہ اجلاس اچ ایں ڳالھ تے زور ݙتے جو یکطرفہ اتے غیر قانونی اقدامات بین الاقوامی قانون اتے اقوام متحدہ دی سلامتی کونسل دی قرارداداں دی خلاف ورزی اتے شنگھائی تعاون تنظیم دے مقاصد دے منافی ہن۔ دفتر خارجہ دی ترجمان ممتاز زہرہ بلوچ اتھاں ہفتہ وار بریفنگ اچ آکھیے وزیر خارجہ بلاول بھٹو زرداری بھارت دے شہر گوا اچ ایس سی او دی وزرائے خارجہ کونسل دے اجلاس اچ پاکستان دی نمائندگی کیتی۔ اجلاس دے ایجنڈے اچ علاقائی سلامتی، اقتصادی تعاون اتے رابطے دے مسئلیں نال نال عالمی اقتصادی اتے سیاسی پیش رفت تے شنگھائی تعاون تنظیم دے موقف تے ڳالھ مہاڑ شامل ہئی ۔ ترجمان آکھیے وزیر خارجہ شنگھائی تعاون تنظیم دے اجلاس اچ امن تے خوشحالی کیتے پاکستان دے موقف کوں اجاگر کیتے تے خطے اچ موثر ٹرانسپورٹ کوریڈورز اتے قابل بھروسہ سپلائی چینز دی تعمیر دی تجویز پیش کیتی، ایندے نال نال انہاں ایں ڳالھ تے زور ݙتے جو سی پیک علاقائی رابطیں کیتے ھک قوت ثابت تھی سڳدے ۔ ترجمان مزید آکھیے وزیر خارجہ دہشت گردی دی لعنت مکاوݨ کیتے جامع اتے اجتماعی نقطہ نظر تے زور ݙتے تے آکھیے جو سفارتی پوائنٹ سکورنگ کیتے دہشت گردی کوں ہتھیار نی بݨاوݨا چاہیدا ۔ انہاں جاݨ ٻجھ تے اشتعال انگیزی اتے نفرت تے اکساوݨ دی وی مذمت کتیی تے فاشزم دے خلاف اجتماعی جدوجہد تے زور ݙتا جیڑھا جو پرتشدد قوم پرستی تے منتج ہوندی اے ۔ دفتر خارجہ دی ترجمان آکھیے وزیر خارجہ ایس سی او دے اجلاس دے موقع تے چین، روس، قزاخستان، ازبکستان، تاجکستان اتے کرغزستان دے ہم منصباں اتے شنگھائی تعاون تنظیم دے سیکرٹری جنرل نال وی ڳالھ مہاڑ کیتی ۔
