اسلام آباد۔23نومبر(اے پی پی)وفاقی وزیر مذہبی امور انیق احمد آکھیے جو مسلماناں کوں ہک مٹھ تھیوݨا ہوسی، او آئی سی دے 57 رکن ملکاں دے سربراہان کوں امت دے مسائل حل کرݨ کیتے مل ٻاھوݨا چاہیدے اتے ہر سال دے اقدامات دا جائزہ ڳھنݨا چاہیدے۔ او پرائیویٹ حج گروپ آرگنائزرز دی تنظیم ”ہوپ” ولوں تعظیم حرمین کانفرنس نال خطاب کریندے پئے ہن۔ انہاں آکھیا جو حرمین الشریفین دا ساݙی زندگی اچ وݙا مقام اے، ساری انسانیت امت واحد اے، ساکوں بیت ﷲ شریف توں ہدایت ملدی اے جو مکہ مدینہ ساݙے کیتے آکسیجن ہین۔ انہاں عالم اسلام کیتے خادم الحرمین الشریفین اتے مملکت سعودی عرب دے کردار دی تعریف کیتی۔ انہاں آکھیا جو نگران حکومت حج پیکیج اچ ہک لکھ روپے کمی کیتی اے، حج کرائے وی ڳھٹائے ویسن اتے عازمین کوں ہر قسم دا سوکھ پچایا ویسی۔
